Erakusketa (segida)

Euskal tendentzia : moda eta jantzigintzako historiak Euskal Herrian.  

Euskal tendentzia : euskal kultur eta txertatze sozioprofesionaleko gaitasunaren arteko bateratzea.

Euskal tendentzia erakusketa Lagun elkartearen erakusleiho publiko eta kulturala da. Helburu bikoitza du : alde batetik bere kultura bezain berezia den Euskal herriko janzkeraren historiari balioa emaitea eta bestalde txertatze sozioprofesional ibilbidean diren jantzi egileen lana azpimarratzea. Euskal nortasuna eta elkartearen arima eramaiten duen erakusketa ibiltaria da. Soldatapekoen eta gidatzen dituzten jantzizainen gaitasunaren erauzkin eta erakusgaiak aurkezten ditu, joste-sorkuntza tailerrak bere lana ikusgarri biziari, ohizko jantzieri eta birsortze historikoeri ere zuzentzen duelako. 

Garaiko bidaiari kronikarien idatzien laguntzarekin XV eta XIX garren mendeen artean eginak izan diren grabatze lanetaz inspiratuak dira jantziak. Nahiz Euskal herriko janzkeraren historiari buruzko arlo berezi hortan argitalpenak urriak diren, lan hori bi liburueri -Euskal Herrian eskuragarri diren grabatzeen ikerkuntza eta estudioaren fruituak- esker egina da :

• « Vascos y trajes de Maria Elena de Arizmendi Amiel » Caja de ahorros de San Sebastian ek argitaratua 1976 an.
• « Costumes sur papier, le vêtement basque, XVI ème - XIX ème siècle », Bilboko Euskal erakustoki arkeologiko, etnografiko eta historikoak argitaratua 2004 an. 

Erakustokiak ez du Euskal herriko modaren histori osoa kondatzea xede. Aldiz esku lanarendako haiekin ekartzen duten teknikotasun interesgarria duten jantziak aurkezten ditu. Bestalde, eskualdeko hierarkia sozial mail ezberdin eta bizilekuaren barreatze geografikoa -kostaldeko eta mendiko euskaldunen janzkera desberdina dela eta-islatzen duten jantzi enblematiko eta bereziz osatua da.

Erakusketaren eduki kulturala

Zehazkiago, erakusketarako eskuragarri hogeita hamar bat jantziek Euskal Herriko zazpi probintzietako berezko janzkera aurkezten dute, muga administratiboak gaindituz kultur eremu homogeneo batean sartzeko.
Nahiz jantzien gehiengoa emakumezkoa izan, duten teknika eta eskuzko interesagatik, erakusketa XV garren mendetik XIX garren mendera arteko gizon eta emazteko jantzietaz osatua da. 
Hogeita hamar bat jantzi horien artean, harrera lekuaren arabera egokitu behar diren
hogei bateko maniki multzo batek erakusketa osatzen du. Interpretazio euskarrien bitartez, eskualdeko berezko janzkeraren gehigarri batzu azpimarratzen ditu erakusketak besteak beste buruko eta orrazkeren -zinez espantagarriak orduko atzerritarrentzat- interpretazioaren bitartez.

Erakusketaren berezitasun teknikoak

Ibiltaria denez, edozein egiturak aloka lezake, zerbitzu publikotik, herriko Etxe, liburutegi, gune kultural eta gainerateko erakustokiak bezala, enpresa pribatuetara, bakantza zentroak edo denda eta merkatal guneak adibidez. Erakusketaren zirkuitoak tradizionala zein berriztatzaile izan nahi du, leku bakanenek balio gehigarri bat emanen diotelarik kondutan hartuz gainera publiko zabalago batek ikusiko duela.
Maniki bakoitzak lurrean metro bat eta erdiko azalera behar du. Erakusketaren alokatzeak beraz jantzi erakutsien kopuruaren araberako leku nahiko bat aitzin ikustea eskatzen du. Jantzia inspiratua duen grabatzea maniki bakoitzari lotua den euskarri ttipi batean agertzen da.
Aurkezpen publikoaren orduan,  manikiak multzoan edo bikotean ezarriak dira harrera tokien eremu eskuragarri eta antolaketaren arabera, gisa horretan, lekuaren berezitasunak -eskalerak, balkoi, erakusleiho, korridore, gela etabar… kontutan hartuz.
Gainera, erakusketaren izaiteko arrazoina eta interpretazio elementu historiko batzu agerian uzteko informatika tresnaren beharra duen multimedia euskarriak aberastuko du guzia, helburua delarik interpretazio euskarri gehigarri moderno eta ludikoen proposatzea teknologia berrien kokapen egokia erakustokian bultzatzeko.
Epetan, informazio historiko, kultural bai eta ere LAGUN elkarteari buruzko xehetasun gehiagoz osaturiko interpretazio seinale zabaltzaile sare batez hornitua izanen da.

Euskal Tendentzia erakusketaren Curriculum vitaea

• Mauleko hiribarneko denden erakusleihoa, otsaila 2007
• Biarritzeko mediateka, uztaila 2007
• Lafayette galeriak Baionako bestak kari, agorrila 2006 eta 2007
• Ondarearen europar egunak : herriko etxearen balkoiak eta Donibane Garaziko denden erakusleihoak, iraila 2007
• Errobiko kontseilu orokorra Baionan, abendua 2007 - martxoa 2008
• Laas eko gaztelua, apirila 2008
• Donibane Garaziko apezpikuen presondegia, uztaila eta agorrila 2008
• Ondarearen gaua 2008, Donibane Garazi
• Paue Beaumont jauregia 2009 (proiektua bidean)
• Kanboko mediateka, udaberria/uda 2009 (proiektua bidean)